حلـــم كـــذاب

تعبت اجر اوقات ساعاتي ويومي .. أحتري ما بين شباكٍ وباب

ولهان اهذي بك واناديك بحلومي .. واحسب اني للندا بلقى جواب
وان غــدا ملقاك باحلامي ونومي .. ضاعت دروبي واتقفلت الابواب

بقلبي يللي شوفتك باغـلى حلومي .. بعيني هللي هي ولا بمليون باب
تعـبت انامن ضيم دنياي وهمومي .. تعبت اقاسيها تلاوين العذاب

وانشد احــزاني علك ما تدومي .. وش خذ المحزون من فال الغراب
من عنا شوقي أحس اني سقومِ .. خوفي اني صرت بالعين منصاب

وان سهت عيني اعاتبها عتومي .. ولسواد الليل له مني عتاب
ما أبيه النوم ما بيها حلومي .. وش يفيد الحلم لا صار كذاب

يا حلومي بعتذر لك لا تلومي ..كنت اظنك اللقا بعد الغياب