في مجـلسي والقــوم صبيت فنجــالي
واسمعــهم يقــولون:مسكـين مسكــين
مـاهــمني يقــولون هـــمِّي بمكــيالي
كيل الــوفا لا خـلْ خـلَّت مــــوازين
لا هــــدا حــــيلي ولا هــــدا بـالي
وش يهـــدَّ الحيل والنـــار تكـوين!
من نومــة مــبارح واللي جــــرالي
كــيف اذوق النــوم والآه سكــــين!
ما بَهْ تهنَّت عين ،ما جـا على بالي
فيني الدمع محتار ما بين خد وعين
أبكي وليفٍ في الهوى ضيّع احوالي
حـــبّه تمكّــن بالحــشا والشرايـين
أمــوت بَهْ وادوخ لا شفـته قــــبالي
وان غاب عني يوم مادْري أنا ويــن
إن قلت احـبك قال تيجي عـلى بالي
وان قلت اشوفك!قال بعدين بعـدين
شللي جــــرالي منك؟هـذا ســـؤالي
والأســئلة غير السؤال حــول ألفـين
منّهْ أنا ونّيــت منّهْ تعـــب حـالي
كل يوم اقول اليوم واليوم باثنيــــن
مـرّت سنة والحين بْيعــــتذر جالي
ما يحسب انّهْ قطّــع القلب نصفين
وْلا درى يومٍ سأل مستغرب احوالي
إن الوجه بعد السنة صار وجـــهين
ليست هناك تعليقات:
إرسال تعليق