ما يهم خلك من احساسي وشعوري
ما يهم خلك من اخباري وحالي
شللي جابك شللي ذكرك بأموري
شللي عودك لحياتي و انعزالي
وفر اعذارك حبيبي مو ضروري
ولا مهمه قولتك شللي جرالي
تحسب ارقامك وتجبرها كسوري
مو طبيعي دامها بعينك حلال
مو طبيعي وان بدا مني قصوري
هاتها خلك صريح ولا تغالي
مو صحيح اني تماديت بغروري
مو صحيح اني تمنعت بسؤالي
مو صحيح اني تغليت بحضوري
أو صحيح اني تباهيت بجمالي
يشهد الله ما تخبيت بقشوري
يشهد الله ربي العالم بحالي
كنت اضمك كنت اشمك في عطوري
كنت احسك في عروقي ومن خلالي
و الغريبة ان كلبوكم في سطوري
كلك بفرحك وهمك في خيالي
كنت اشوفك يا نظرعيني ونوري
نجمةٍ في عتمة افكاري تلالي
لك عهد مني أبنذر لك نذوري
دنيتي هي دنيتك حاضر وتالي
أعترف إني تضنيت بشعوري
وافتخر إني تعززت بدلالي
كم أحبك قلتها والحين دوري
بنت حوا واعترفلك بالمحالِ
ليست هناك تعليقات:
إرسال تعليق