مد لي يدٍ صغيرة
انعصر فيني القلب
تبرق بعينه الطفولة
بس انحرم ثوب اللعب
قلت : وين عنك كبيرك
من بعيد أو من قرب؟
قال لي : أمي عليلة
وابوي بيلم العلب
اكتفى وراح بطريقه
وابتدا فيني التعب
يا صاحبي ليش الظلم!
هذا الطفل ما له ذنب
يا أخي هذي قضية
ما لها عندي سبب
وين العقل وين الضمير
وين المشاعر والسحب!
ما بقى عندي وسيلة
بس لي عندك طلب
حط إيدينك بايديني
نلتقي بصدر رحب
نغرس بذور الكرامة
نزرع كروم العنب
هذا الطفل ما له ذنب
ينحرم ثوب اللعب
ليست هناك تعليقات:
إرسال تعليق