ما نسيتك
واذكر اسمك كان الاول فوق لوحات الشرفْ
والحقيقة ما نسيتك يوم بفتحلك ملف
وجيت على بالي كفكرة
وصارت الفكرة تدور وتبحث الأمر وتلف
والنهاية لا لقيتك اصفقت كفٍ بكف
اسمك بلوحة قديمة !! والحبر لونه مخف !!
والأسف بلل ورقها والورق يومٍ يجف
تبهت حروفه ولكن !!
ما على حروفه أسف
ما نسيتك
واذكر انك كنت قاسي
وكنت لي سمٍ بكاسي
كل هذااا
وانت لي تاجٍ براسي .. بس تاجي ما عرف
إن تاجٍ فوق راسي كانْ له راسي شرف
والحين يومٍ تنازل .. واعْمته ذيك الكراسي
ما بقى عنده شرف
خلْ تنفعه الكراسي .. خل يدور له شرف
ليست هناك تعليقات:
إرسال تعليق