الأحد، 10 أبريل، 2011

الحُـــرّة



لا قلت لك : حُرة .. يعني أنا حــرّة
فيني الكرامة جد وِمْن الشموخ رجال
ما هزّني من عاب فيني ولــو ذرة
شللي يهز اللي ما هزها زلـــزال
كم مرةٍ تخطي وتقول هالمـــرّة !
واثر الخطا لابِسْك متمثّل بتمــثال
وان كان عالجرّة ! بكسّر الجرة
بعدك واسك الباب وابدّل الأحـــوال
بصبر عليك اليوم واعــاود الكَرّة
وانسى خصامٍ بيننا وانوي بطيب الفال
يا صاحبي بالله حلّفتك تســرّه
قلبٍ شراك ولك اِمن الوفا إيصـــال
قلبٍ عليك يخــاف والروح محترّة
لا جا عليها يوم ما تحتمــل أقـــوال
ألفـــــا

ليست هناك تعليقات:

إرسال تعليق