الأحد، 14 نوفمبر، 2010

يا ليت قلبي



يا ليت قلبي من الحشا منشال
ويا ليت روحي ما بقت فيني
وليتك بقايا ظل أو تمثال
ولّا زمن ما عاد يعنيني
ليتك هبوب الريح أو زلزال
ليّا تمر لابد تيــذيني
حتى تمنيتك بقايا حال
واحوالٍ أقضيها بتفنيني
ليتك على قول المثل ما قال
شين الفعايل والعقل شيني
المشكلة إنك طويل البال
لامن أصك الباب تيجيني
وان قلتلك الله معك يا خال
ما غير هللي يحبب ايديني
الله معك بالحل والترحال
والله معك يا مِكْحلن عيني
ليتك على قولك أنا رجال
اِمن اللبن بالطير تسقينني


هناك تعليق واحد:

  1. الشاعرة القديرة الفا
    صح لسانك كلمات رااائعة
    دمتي بخير

    اشتقت قرأة
    شعرك وكلمات على الفيس بوك
    مقله على غير عوائدك
    دمتي بخير وصحة وعافه

    ردحذف